Nagsisimula ang lahat sa isang pahina.
Hinga ng malalim, kuhanin ang pluma.
Hindi maibabalik ang panahon.
Kaya’t sa mga salita at pitik ko pilit ikakahon.

Bawat istorya ay iba-iba.
Sa kwentong ito, tiyak ikaw ang bida.
Mula sa unang letra hanggang sa mga susunod pa,
Pluma ay ikukumpas sa agos ng iyong Talata.

Maguumpisa sa simula, na wari walang kaalam alam
Hindi ka iiwanan at sasabayan sa anumang hulma.
Mula sa tulay na nag uugnay ng kahapon
Hanggang sa araw na itinakda ng mga tala at pagkakataon.

Hihimayin naten ang kwento na iyong sinasaad
Bibigyan ng kulay ang tila blankong papel na iyong ilalatag.
Hindi lang ito basta titik sa inyong pandinig.
Ito ang Talata ng ikaw, kayo at bukas.